Heimili og varnarþing

  1. § Félagið heitir Femínistafélag Íslands. Lögheimili og varnarþing þess eru í Reykjavík.

    2. Markmið og félagsaðild

  2. § Markmið Femínistafélags Íslands er að efla gagnrýna og femíníska umræðu á öllum sviðum þjóðlífsins og berjast gegn hverskonar birtingarmyndum kynjamisréttis.
  3. § Félagið er opið öllum femínistum sem aðhyllast markmið félagsins.

    4. Aðalfundur

  4. § Aðalfundur félagsins skal haldinn vor hvert.
  5. § Allir félagar sem skráðir hafa verið að lágmarki 5 daga í félagið hafa rétt til setu og atkvæðisrétt á fundi.
  6. § Á aðalfundi er samþykkt starfsáætlun til eins árs.
  7. § Á aðalfundi skulu kosnir 9 - 12 félagar í ráð sem fer með ákvörðunarvald félagsins milli aðalfunda. Hver félagi má sitja í ráðinu í fjögur ár.
  8. § Ráðið hefur umboð til að álykta í nafni félagsins enda sé ályktunin í samræmi við grundvallarmarkmið þess.
  9. § Ráði félagsins er heimilt að skipa hópa til starfa í nafni félagsins.
  10. § Ráð skiptir með sér verkum á fyrsta fundi sínum. Skipaður skal ritari, gjaldkeri og talskona/maður félagsins.
  11. § Ráðið skal funda að minnsta kosti 4 sinnum á ári eða oftar ef þurfa þykir. Fundurinn er atkvæðisbær ef meirihluti ráðsins mætir.
  12. § Dagskrá aðalfundar skal vera eftirfarandi:
    1. Fundur settur.
    2. Kosning fundarstjóra og fundarritara.
    3. Skýrsla ráðs fyrir liðið starfsár.
    4. Reikningar félagsins lagðir fram og samþykktir.
    5. Kosning í ráð.
    6. Kosning á skoðunaraðila reikninga.
    7. Ákvörðun félagsgjalda.
    8. Lagabreytingar.
    9. Tillaga ráðs um starfsáætlun næsta starfsárs.
    10. Önnur mál.
    11. Fundarslit.
  13. § Aðalfundur telst löglega boðaður ef fundarboð er sent með tölvupósti á félaga með a.m.k. tíu daga fyrirvara.

    14. Reikningsár og félagsgjöld

  14. § Reikningsár félagsins er 1. maí til 30. apríl.
  15. § Á aðalfundi skal kjósa einn skoðunaraðila reikninga.
  16. § Ráð félagsins leggur fram tillögu um félagsgjöld á aðalfundi félagsins.

    17. Lagabreytingar

  17. § Tillögur um lagabreytingar skal leggja fram til ráðs a.m.k. fimm daga fyrir aðalfund.
  18. § Lögum þessum má aðeins breyta á aðalfundi félagsins.
  19. § Lagabreytingar teljast samþykktar ef 2/3 hluti félaga sem sækja aðalfund samþykkja breytingarnar.

    20. Slit félagsins

  20. § Femínistafélagi Íslands má slíta með ákvörðun 2/3 hluta skuldlausra félaga á aðalfundi eða félagsfundi.
  21. § Náist ekki tilskilinn félagafjöldi á aðalfundi/félagsfundi má halda framhaldsfund og þarf þá 2/3 hluti fundaraðila að samþykkja slit til að félaginu teljist slitið.
  22. § Við slit félagsins skulu eignir, ef einhverjar eru, renna til styrktar femínisks málefnis.