http://listar.hi.is/mailman/listinfo/feministinn

Til að pósta á listann þarf að skrá sig á þessari slóð, gefa upp netfang og lykilorð. Til að breyta skráningu (t.d. hætta á listanum) þarf að fara neðst á vefsíðu póstlistans, slá þar inn netfang í innsláttarreitinn og smella á Edit options.

Reglur

Markmið með póstlista Femínistafélags Íslands er að vera vettvangur femínista til að ræða jafnrétti kynjanna og skoðanaskipta um hvaða leiðir eru vænlegastar til árangurs í jafnréttisbaráttunni.

Póstlistinn hefur þann tilgang að efla samstöðu og samtakamátt femínista.

Innan femínismans eru mismunandi straumar og stefnur sem eiga jafnan tilverurétt. Andfemíniskar umræður eiga hins vegar ekki heima á listanum og áskilur ráð Femínistafélags Íslands sér rétt til að afskrá þátttakendur á listanum sem senda inn slíkan póst.

Ráðið beinir jafnframt þeim tilmælum til þátttakenda að virða eftirfarandi:

1. Ég mun nota umræðuþráðinn eingöngu fyrir feminísk málefni.
2. Ég mun ekki nota þráðinn fyrir auglýsingar eða tilkynningar sem ekki tengjast femínisma.
3. Ég mun sýna þátttakendum á listanum virðingu.
4. Ég mun orða innlegg á málefnalegan og kurteisan hátt.
5. Ég mun virða rétt annarra til að hafa aðrar femíniskar skoðanir á málefnum heldur en ég.
6. Ég mun ekki nota blótsyrði eða senda öðrum þátttakendum á listanum háðsglósur.
7. Ég mun skrifa fullt nafn undir innlegg á listann.
8. Ég mun ekki áframsenda eða birta innlegg sem berast á listann annarsstaðar án leyfis höfundar.

Virðingarfyllst,

Ráð Femínistafélags Íslands
í byrjun maí 2003

****************************************

Að búa til möppu fyrir femínistapóst í Lótus Notes

Arnar Eggert Thoroddsen arnart@mbl.is póstaði á listann þessar leiðbeiningar:

Hér koma "fífla"-leiðbeiningar varðandi það að búa til nýja möppu og stýra
ákveðnum pósti þangað. Tek það fram að "fífla" merkingin er ekki
gildishlaðin - þetta er þýðing á "idiotproof"

Upphaflega ákvað ég að setja þetta niður á blað, þar sem sumir sem eru
skráðir á póstlistann "feministinn" eru að drukkna í pósti og hafa verið að
vandræðast. En þetta nýtist líka almennt. Sérstaklega er hægt að losa sig á
auðveldan hátt við hvimleiðan ruslpóst með "rule" möguleikanum.

ATHUGIÐ. Þetta á við um LOTUS NOTES póstkerfið. Önnur kerfi ættu þó að
bjóða upp á svipaða möguleika.

1. farið með bendillinn á valtakka merktan "folder"

2. smellið

3. Veljið "Create Folder"

4. Veljið t.d. nafnið Feministinn. Mappan á að birtast í hliðardálki til
vinstri.

5. Í téðum hliðardálki (þar sem möppur eins og "inbox", "sent" og "trash"
eru) á að vera mappan "rules". Smellið á hana.

6. Efst til vinstri á að vera valtakki (einn af mörgum) merktur "New Rule".
Ýtið á hann.

7. Efri hluti rammans sem birtist er settur undir Specify conditions. Þar,
í "Create condition" ([sender] - [contains] - [autt svæði]) á að skrifa
"feministinn@hi.is" (tómi glugginn lengst til hægri).

8. Smellið á "add".

9. Neðri hluti rammans er settur undir Specify Actions. Þar, lengst til
hægri er valtakinn "select...". Smellið á hann og veljið möppuna
"Feministinn"

10. Veljið "Add action og að síðustu "OK"

Við þetta á allur póstur frá Feministapóstlistanum að fara beint í þessa
möppu. Þá er hægt að kíkja í hana við hentugleika og eyða öllu út
reglulega, þegar hún fyllist (það geri ég alltént). Hvað ruslpóst varðar er
hægt að setja inn netfangið, þaðan sem hann kemur, í auða svæðið í create
condition og stýra honum svo beint í ruslið.

----------------------------------------