ECCE FEMINA !
sýning opnar 24. október kl.16-18
Á forsíðu->

 
Svipmyndir frá bókmenntadagskránni "Kannast einhver við þessa konu"
Hér er líka stutt videoupptaka frá bókmenntadagskránni

Menningarhópur:

Föstudagur 24. október

Staður:  Listasafn Reykjavíkur – Hafnarhúsinu

Stund:  16.00-18.00

Ecce femina!

„Ecce femina“ er yfirskrift sýningar sem opnar í tilefni femínistavikunnar.  „Ecce femina“ þýðir bókstaflega „Sjáið konuna!“  Hvað er átt við með því?  Sjáið hvernig kona þetta er?  Sjáið hvað hún er?  Sjáið hvernig hún lýsir sér?  Sjáið hvað hún vill segja ykkur?

Listakonurnar tólf sem takast á við sjálfsmynd sína á þessari sýningu, sýna sitt innra sjálf á hefðbundinn, jafnt sem óhefðbundinn hátt.  Þær bjóða upp á sjálfsmynd sem er ásköpuð eða valin af þeim eða öðrum. 

Listakonurnar sem sýna eru:

Ásta Ólafsdóttir, Birta Guðjónsdóttir, Elsa D. Gísladóttir, Erla Þórarinsdóttir, Harpa Björnsdóttir, Hildigunnur Birgisdóttir, Ólöf Nordal, Ragnheiður Ragnarsdóttir, Ragnhildur Stefánsdóttir, Rúrí, Sara Björnsdóttir, Þóra Þórisdóttir. 

Sjá meðfylgjandi (sjálfs)myndir:

Lilithmyndin er eftir Þóru Þórisdóttur

            "Upplyfting" heitir mynd Ólafar Nordal

            "Stiklur" heitir verk Ragnheiðar Ragnarsdóttur

Kannast einhver við þessa konu?

Í tengslum við opnun sýningarinnar Ecce femina! verður flutt bókmenntadagskrá um sjálfslýsingar kvenna, einkum í ævisögum og endurminningum. 

Í sjálfsævisögum eldri kvenna eru oft farnar krókaleiðir að efninu og skiptist á stærilæti og lítillæti.  Í sögum þeirra er bernskunni lýst, hvernig farið er að því að búa til úr þeim alvöru konur og hvernig lífið leikur þær.  Lýst er gleði þeirra og sorgum en fyrst og síðast eru þessar raddir úr fortíðinni sterkar og áhrifaríkar og reynast eiga ýmislegt sameiginlegt með ungum konum í dag – þrátt fyrir allt.  Þar af er titill dagskrárinnar dreginn:  Kannast einhver við þessa konu?

Dagskrána unnu Dagný Kristjánsdóttir, Þórunn Hrefna Sigurjónsdóttir og Kolbrún Halldórsdóttir. 

Flutningur er í umsjón Hlínar Agnarsdóttur.   Flytjendur eru: Arndís Egilsdóttir, Edda Björgvinsdóttir, Helga Jónsdóttir, Margrét Ákadóttir, Nanna Kristín Vilhelmsdóttir og Ragnheiður Steindórsdóttir.  

Eftir dagskrána býður Reykjavíkurborg upp á léttar veitingar í tilefni af opnun Femínistavikunnar.

Lilithmyndin er eftir Þóru Þórisdóttur

"Upplyfting" heitir mynd Ólafar Nordal

"Stiklur" heitir verk Ragnheiðar Ragnarsdóttur

Síðast uppfært 25-oct-03 af SG.