Hið árlega bókahitt Femínistafélags Íslands verður haldið þriðjudaginn 6. desember kl. 20 í Friðarhúsinu (á horni Snorrabrautar og Njálsgötu).
Bókahittið er að þessu sinni hluti af 16 daga átaki gegn kynbundnu ofbeldi og ber bókavalið að hluta til þess merki.
Hér heima er yfirskrift átaksins „Heimilisfriður – heimsfriður“

Dagskrá:
Guðrún Ebba og Elín Hirst: Ekki líta undan
Sigríður Víðis: Ríkisfang ekkert
Bryndís Björgvinsdóttir: Flugan sem stöðvaði stríðið
Kristín Tómasdóttir: Stelpur frá A-Ö
Hildur Knútsdóttir: Sláttur
Guðrún Hallgrímsdóttir: Á rauðum sokkum

Sjá einnig á Facebook

Opið fyrir alla/r. Piparkökur í boði félagsins – létt til sölu.

Femínistafélag Íslands fagnar þeirri líflegu umræðu sem aðgerðir Stóru systur hafa kveikt. Stóra systir hefur leitt okkur fyrir sjónir að eftirspurn eftir vændi er gífurleg og að vændisheimurinn er ekki huldari en svo að auglýsingar blasa við hverjum þeim sem vill sjá þær í dagblöðum og á internetinu. Árið 2009 urðu breytingar á löggjöf okkar sem gerðu kaup á vændi ólögleg en sölu þess heimila. Þrátt fyrir þessa framsæknu löggjöf vantar stórlega á eftirfylgni með lögunum.

Eins og segir í greinargerð með frumvarpinu er „ekki ásættanlegt að líta á mannslíkamann sem söluvöru“. Gengið er út frá því í lögunum að ábyrgðin af viðskiptunum hvíli á herðum kaupandans, þar sem hann hafi val og sé í valdastöðu gagnvart seljanda. Femínistafélagið tekur heilshugar undir þessi sjónarmið enda er það að selja aðgang að líkama sínum neyðarúrræði en ekki val. Staðfesting á þessu birtist ekki síst í þeirri staðreynd að konur og karlar sem leita sér aðstoðar eftir vændi hafa hlotið sálrænan, líkamlegan og félagslegan skaða af.

Eins og Stóra systir bendir á endurspegla lögin vilja og veita lögreglunni heimildir til að taka á þeim félagslega harmleik sem vændi er. Eftirfylgnin hefur hins vegar ekki verið sem skyldi og ber lögreglan fyrir sig fjárskorti. Rannsókn vændismála er í höndum kynferðisafbrotadeildar sem er verkefnum hlaðin og því þurfa vændismál að keppa um fjármagn og tíma við önnur kynferðisbrot eins og nauðganir og kynferðisafbrotamál gegn börnum. Ljóst er að til að geta sinnt málaflokknum almennilega þarf að eyrnamerkja honum fé. Benda má á að í Noregi, þar sem samskonar lagarammi er um vændi og á Íslandi, hefur verið gripið til þess ráðs að hafa sérstakt vændiseftirlit, sem er rekið af Oslóarborg og heilbrigðisráðuneytinu. Vændiseftirlitið hefur áttað sig á því að vændi fer nú að mestu fram í gegnum netið, og að það er órjúfanlega tengt mansali.

Femínistafélagið skorar því á innanríkisráðherra, Ögmund Jónasson, að veita þessum málaflokki meiri athygli og aukið fjármagn. Aukið eftirlit með vændi gæti svipt huluni af stöðu mansals á Íslandi, vegna tengslanna þar á milli. Til að aðgerðaáætlun stjórnvalda um mansal verði ekki aðeins loforð á blaði þarf að setja hana í forgang og eyrnamerkja henni fjármagn.

OktóberHitt Femínistafélagsins er skipulagt í samstarfi við starfshóp um Jafnréttisdaga og verður haldið í Friðarhúsinu þann 25 október.

Í þetta sinn munum við ræða um málefni kvenna af erlendum uppruna og leggja sérstaka áherslu á atvinnumál.
Frummælendur verða Anna Wojtynska sem er doktorsnemi í Háskóla Íslands, Guðbjört Guðjónsdóttir sem gerði meistararitgerð í mannfræði um reynslu kvenna af erlendum uppruna sem vinna á hótelum á Íslandi og Joanna Dominiczak sem er formaður W.O.M.E.N (samtaka kvenna af erlendum uppruna á Íslandi),

Hluti af framsögunum fara fram á ensku

Veitingar verða til sölu gegn vægu gjaldi í hússjóð Friðarhúss en engin posi er á staðnum þannig að fólk þarf að hafa með sér reiðufé.

25th of October: 20-22
Women of foreign origin: Employment issues and migration from a feminist perspective / Konur af erlendum uppruna: Atvinnumál og fólksflutningar frá femínísku sjónarhorni
Anna Wojtynska, Guðbjört Guðjónsdóttir & Joanna Dominiczak
In Icelandic and English
Friðarhúsi, Njálsgötu 87
-Femínistafélag Íslands & Starfshópur um Jafnréttisdaga

The October “Hitt” of the Feminist Association will be held at Friðarhúsið on 25 October. The “Hitt” is organised in co-operation with Equality Days of the University of Iceland.
Talks and discussion will focus on issues relating to women of multicultural ethnicity in Iceland, with special attention to employment.
Talks will be given by Anna Wojtynska, who is a doctoral candidate at the Uni. of Iceland, Guðbjört Guðjónsdóttir, who wrote a master’s thesis in anthropology on the experience of women of multicultural ethnicity working in hotels in Iceland, and Joanna Dominiczak who is the chaiwoman of W.O.M.E.N (Women Of Multicultural Ethnicity Network).
Drinks are sold for a fair price for the benefit of Friðarhúsið but have to be paid with cash since there is no facility for receiving credit cards.

September Hitt Femínistafélags Íslands verður haldið þriðjudaginn, 27. september. Umræðuefnið að þessu sinni verður vændi á Íslandi – framboð og eftirspurn.

Þrátt fyrir lögin frá 2009 sem banna kaup á vændi þarf ekki annað en að fletta í Fréttablaðinu til að sjá merki þess hve útbreitt það er á Íslandi. En hverjir er það sem kaupa vændi? Eru fjölmiðlar í raun að hagnast á sölu á líkömum kvenna? Hvað getum við gert?

Frummælendur á fundinum verða:
Gísli Hrafn Atlason, sem, ásamt Katrínu Önnu Guðmundsdóttur gerði skýrslu um vændi og mansal á Íslandi árið 2009, Steinunn Gyðu og Guðjónsdóttir sem vinnur í nýju athvarfi Stígamóta fyrir fórnarlömb mansals og vændis og Kristbjörg Kona, sem starfar í forvarnar samtökunum STERK-gegn vændiskaupum.

Hittið verður í Friðarhúsinu á horni Snorrabrautar og Njálsgötu kl. 20:00. Veitingar verða til sölu gegn vægu gjaldi í hússjóð Friðarhúss en engin posi er á staðnum þannig að fólk þarf að hafa með sér reiðufé.

Viðburður á Facebook

Aðalfundur Femínistafélags Íslands verður haldinn í Friðarhúsi föstudaginn 6. maí nk. klukkan 20:00. Fyrir fundinum liggja venjuleg aðalfundarstörf, m.a. kosning í ráð félagsins. Nýir félagar sem gamlir eru hvattir til að mæta og blása lífi í félagið.

Við viljum líka minna á félagsgjöldin.

Leggðu inn á:

Femínistafélag Íslands
kt. 680303-4010
1157-26-544
Upphæð kr. 2000

Ráðið
Femínistafélag Íslands