Femínistafélag Íslands tekur undir með Guðrúnu Ebbu Ólafsdóttur og
hvetur til þess að Þjóðkirkjan taki skýra afstöðu gegn
kynferðisofbeldi og virkan þátt í baráttu gegn því. Prestar og aðrir
trúarleiðtogar eru í valdastöðu gagnvart þeim sem til trúfélaga leita
eða starfa innan þeirra. Misnotkun á slíkri stöðu er gríðarlega
alvarleg.

Femínistafélagið fagnar þeim skrefum sem Þjóðkirkjan hefur þegar tekið
til að bregðast við kynferðisofbeldi en brýnir hana og önnur trúfélög
til frekari aðgerða.

Aðalfundur Femínistafélags Íslands verður haldinn þann 12. maí kl. 20 á
Dillon laugarvegi 30, 101 Rvk.
Meðal annars verður kosið í nýtt ráð. Við hvetjum öll þau sem vilja taka
virkan þátt í starfinu næsta vetur að kíkja á fundinn!
Hlökkum til að sjá ykkur sem flest!
Ráðið

Uppfært: Það er búið að breyta um staðsettningu.

Síðasta Hitt vetrarins verður þriðjudaginn 13. apríl kl. 20-22 á Gallerí
Horninu, Hafnarstræti 15.

Umræðuefni kvöldsins er umhverfisfemínismi. Sigríður Guðmarsdóttir
guðfræðingur er djúpvitur á því sviði og ætlar að leiða okkur inn í umræðuna
ásamt Svandísi Svavarsdóttur umhverfisráðherra.

Við hvetjum ykkur til að mæta og taka þátt í umræðum um þennan skemmtilega
vinkil á femínisma.

Umhverfisfemínismi eða vistfemínismi (e. ecofeminism) er vaxandi fræðasvið
víðsvegar um heim. Hann byggir á þeirri hugmynd að umhverfisvernd og
femínismi hafi marga snertifleti og að sterk tengsl séu á milli
undirskipunar kvenna í samfélaginu og ofnýtingu náttúrunnar. Hvort tveggja
byggi á hugmyndafræði tvíhyggju og stigskiptu valdakerfi; hinu lífseiga
karlaveldi annarsvegar og hins vegar nýtingarhugmyndum kapítalismans á
náttúrunni.

Á Hugsandi.is er að finna ágæta grein eftir Hrafnhildi Ragnarsdóttur um
viðfangsefnið:
http://hugsandi.is/articles/er-vistfraedikreppa-nutimans-afleiding-fedraveldis-og-kapitalisma/

http://www.facebook.com/#!/event.php?eid=106854576019860&ref=mf

Hittið er staður og stund.
* til að fá umræðu af stað
* til að varpa fram spurningum
* til að vera í góðum félagsskap
* til að bjóða nýliða Femínistafélags Íslands velkomna
* til að kynna niðurstöður rannsókna sem snúast um jafnréttismál
* til að kynna útskriftarverkefni sem snúast um jafnréttismál
* til að flytja ræður um femínisma og jafnrétti hér heima og erlendis
* þar sem femínistum er velkomið að tjá sig
* þar sem fólk úr stjórnmálum og viðskiptalífi getur komið og kynnt sér mál
sem snúast um jafnrétti og femínisma
* þar sem okkur gefst tækifæri til að sjá andlitin á bak við nöfnin á netinu
* fyrir starfandi hópa innan félagsins til að hittast, kasta fram hugmyndum
og bralla eitthvað skemmtilegt og bráðnauðsynlegt

http://www.feministinn.is
Netfang: feministinn@feministinn.is
Aðsetur: Pósthólf 4065, 124 Reykjavík
Við erum á Facebook: Femínistafélag Íslands

Velkomin öll til morgunverðar hjá Femínistafélaginu og til hamingju með daginn!

Alþjóðlegur baráttudagur kvenna á 100 ára afmæli í dag. Fyrir 100 árum síðan stakk þýska baráttukonan Clara Zetkin upp á því á fundi í Kaupmanahöfn að haldinn yrði alþjóðlegur baráttudagur kvenna um þetta leiti árs og 100 árum síðar erum við hér saman komin.
Lestu afganginn…

Femínistafélag Íslands hvetur þig til að taka þátt í Öðlingsátakinu með okkur! : http://odlingurinn.is/